Q: e-Business.mn системд хэрхэн нэвтрэх вэ?

Үндсэн арга: Нэвтрэх товч дээр дарж Танилт нэвтрэлтийн ДАН системээр өөрийгөө баталгаажуулан иргэн, байгууллагын аль нэгийг сонгон нэвтэрнэ. Дараагийн санал болгож буй арга: Хэрэв та вэб порталаас нэвтрэх бол Нэвтрэх товч дээр дарахад үүссэн QR кодыг e-business мобайл аппликейншаар уншуулан нэвтрэх боломжтой. Амжилттай нэвтрэсний дараа хийх алхам: 1. Хуулийн этгээдгүй хүн бол өөрийн нэр сонгож иргэн авч болох үйлчилгээ авна, мөн компани байгуулах товч дээр дарж Хуулийн этгээдийн нэр баталгаажуулах үйлчилгээ, бусад зөвөлгөө мэдээлэл авна. 2. Хуулийн этгээдтэй хүн бол таны нэр дээр бүртгэлтэй хуулийн этгээдийн нэр харагдах бөгөөд тухайн хуулийн этгээдээ сонгон системд нэвтэрч, хуулийн этгэдийн авах боломжтой цахим үйлчилгээнүүд, төрд байгаа мэдээллээ хянах боломжтой.

Question 1

Зөвлөгөө мэдээлэл авах

Accepted Answer

Та өргөдлийн маягтыг бөглөх болон холбогдох баримт, материалыг бүрдүүлэхтэй холбоотой тодруулах, зөвлөгөө авах шаардлагатай бол 11304258 дугаараар болон биечлэн ирж зөвлөгөө авах боломжтой.

Question 2

E-business.mn системийн тухай

Accepted Answer

Энэхүү систем нь бизнес эрхлэгч хүн бүрд зориулсан бөгөөд хуулийн этгээдийн нэр авч үүсгэн байгуулахаас эхлээд татан буулгах хүртэлх үйл ажиллагаа эрхлэхэд шаардлагатай олон төрлийн үйлчилгээг үзүүлнэ.

e-Business 2.0 шинэ хувилбарын Аппликейшн сувагт дараах боломжууд нэмэгдлээ. Үүнд:

• Итгэмжлэлээр нэвтрэн үйлчилгээ авах

• ААН-ийн Төрийн сантай харьцсан гүйлгээний түүх харах

• Татвар төлөлт, тайлан тушаах хугацаа, өр төлбөрийн мэдээлэл шалгах

• Үл хөдлөх хөрөнгийн мэдээлэл авах

• Зөвшөөрлийн мэдээлэл харах

• Шүүхийн шийдвэрийн мэдээлэл авах

• Хандсан төхөөрөмжийн мэдээлэл харах

• Санал асуулгад хамрагдах

• 11-11 төвд өргөдөл, гомдол илгээх

• Хуулийн этгээдийн нээлттэй мэдээлэл харах

Дараах өөрчлөлтүүд хийгдлээ:

• Хуулийн этгээдийн нэр баталгаажуулах үйлчилгээ шинэчлэгдсэн

• Компани байгуулах зөвлөмж шинэчлэгдсэн

• AI агент шинэчлэгдсэн

Question 3

Системд хэрхэн бүртгүүлэх вэ?

Accepted Answer

Нэвтрэх товч дээр дарж Танилт нэвтрэлтийн ДАН системд хандана. Бүртгүүлэх хэсэг дээр дарж Гар утасны дугаараар бүртгүүлэх, Банкны эрхээр бүртгүүлэх, Царай танилтаар бүртгүүлэх гэсэн 3 сонголтоос сонгон бүртгэл үүсгэнэ.

Question 4

e-Business.mn системд хэрхэн нэвтрэх вэ?

Accepted Answer

Үндсэн арга: Нэвтрэх товч дээр дарж Танилт нэвтрэлтийн ДАН системээр өөрийгөө баталгаажуулан иргэн, байгууллагын аль нэгийг сонгон нэвтэрнэ.

Дараагийн санал болгож буй арга: Хэрэв та вэб порталаас нэвтрэх бол Нэвтрэх товч дээр дарахад үүссэн QR кодыг e-business мобайл аппликейншаар уншуулан нэвтрэх боломжтой.

Амжилттай нэвтрэсний дараа хийх алхам:

1. Хуулийн этгээдгүй хүн бол өөрийн нэр сонгож иргэн авч болох үйлчилгээ авна, мөн компани байгуулах товч дээр дарж Хуулийн этгээдийн нэр баталгаажуулах үйлчилгээ, бусад зөвөлгөө мэдээлэл авна.

2. Хуулийн этгээдтэй хүн бол таны нэр дээр бүртгэлтэй хуулийн этгээдийн нэр харагдах бөгөөд тухайн хуулийн этгээдээ сонгон системд нэвтэрч, хуулийн этгэдийн авах боломжтой цахим үйлчилгээнүүд, төрд байгаа мэдээллээ хянах боломжтой.

Question 5

Пин кодоор нэвтрэх боломжтой юу?

Accepted Answer

e-business мобайл аппликейшн нь пин кодоор нэвтрэх боломжтой бөгөөд баталгаажуулахын тулд өөрийн бүртгэлээрээ нэвтэрч пин код оруулах хэсэгт дурын 4 оронтой пин код зохиож оруулна.

Question 6

Гадаадын иргэн, ААН хандах боломжтой юу?

Accepted Answer

Монгол Улсын хилээр Гадаадын иргэн, харьяатын газарт бүртгэл хийлгэн F регистр үүсгүүлж нэвтэрч байсан гадаад иргэн тус системд нэвтрэх боломжтой. Нэвтрэхдээ Танилт нэвтрэлтийн ДАН системээр баталгаажуулна. Мөн нэвтэрсний дараа хэрэв таны нэр дээр бүртгэлтэй хуулийн этгээд байдаг бол систем түүнийг таних бөгөөд та тухайн хуулийн этгээдээ сонгон системд нэвтрэх боломжтой.

Question 7

Системд ямар үйлчилгээ авах боломжтой вэ?

Accepted Answer

Шинээр байгуулах Хуулийн этгээдийн нэр баталгаажуулах, Компани байгуулах, бүх төрлийн лавлагаа тодорхойлолт, зөвшөөрөл болон бусад төрийн үйлчилгээний хүсэлт илгээнэ.

Цахимаар үйлчилгээ үзүүлдэг бусад төрийн систем рүү хандах, мэдээ мэдээлэл авах, төрд байгаа хуулийн этгээдийн мэдээллээ хянах боломжтой юм.

Question 8

Төлбөрөө хэрхэн төлөх вэ?

Accepted Answer

Үйлчилгээний төлбөр төлөлт нь тухайн үйлчилгээнээс хамаарна.

- Үйлчилгээ авах явцад үүсэж байгаа төлбөрийг QPay, SocialPay болон интернэт банкаар шууд төлөх боломжтой.

- Үйлчилгээний хүсэлт илгээсний дараа хүсэлтийн төлөв өөрчлөгдөж төлбөрийн нэхэмжлэл ирсэн бол Профайл цэсний Төлбөр хэсгээс төлөх товчийг дарж төлнө. Нэхэмжлэл дээр дарж гарч ирсэн QR -г QPay, SocialPay болон интернэт банкаар уншуулан төлөх боломжтой

Question 9

Хүсэлтийн явцаа хэрхэн шалгах вэ?

Accepted Answer

“Профайл” цэсийн Үйлчилгээний түүх хэсгээс илгээсэн хүсэлтийн төлөв болон шийдвэрлэлтийн явц, хүргэлтийн дэлгэрэнгүй мэдээллийг харах боломжтой.

Question 10

Баримт бичиг ямар форматаар байршуулах вэ?

Accepted Answer

Үйлчилгээний хүсэлт илгээхэд PDF, JPG, PNG зэрэг системд зөвшөөрөгдсөн форматаар баримт хавсаргана.

Question 11

Техникийн асуудал гарвал яах вэ?

Accepted Answer

Та “11-11” дугаарт холбогдон “2” дээр дарснаар хэрэглэгчийн үйлчилгээтэй холбогдон дэмжлэг авах боломжтой.

Question 12

Системээс мэдэгдэл хэрхэн хүлээн авах вэ?

Accepted Answer

Хүсэлт илгээхэд бүртгүүлсэн И-мэйл хаяг болон системийн notification хэлбэрээр мэдэгдэл ирнэ.

Question 13

Систем ашиглахад төлбөртэй юу?

Accepted Answer

Энэхүү системийг ашиглахад ямар нэгэн төлбөргүй. Харин таны хүсэлт илгээх үйлчилгээ төлбөртэй бол үйлчилгээнээс хамаарч төлбөрийн мөнгөн дүн өөр өөр байна.

Question 14

Портал болон мобайл хувилбаруудын ялгаа юу вэ?

Accepted Answer

- Мобайл хувилбараас хуулийн этгээдэд зориулсан 1 шатлалт буюу шууд гарах лавлагаа, тодорхойлолтыг авах боломжтой мөн хүсэлтийн явцаа хянах, төлбөр төлөх, хуулийн этгээдийн гэрчилгээ, дүрмийн хуулбар гэх мэт бичиг баримтаа харах бөгөөд бизнесээ гар утсаас эхлүүлэх, хянах боломжтой.

- Харин портал хувилбар дээр нэг шатлалт болон олон шатлалт (хүсэлт илгээж хариу авах) үйлчилгээнүүдийг авах боломжтой. Мөн бусад хуулийн этгээдэд зориулсан цэсүүдээс мэдээлэл, үйлчилгээ авах юм.

Question 15

Системээс үйлчилгээ хэрхэн хайх вэ?

Accepted Answer

- Портал хувилбарын хувьд төрийн үйлчилгээг системийн нүүр хэсэгт байрлах Үндсэн хайлт хэсгээс хайж болно. Мөн Үйлчилгээ хэсгээс "Бүх үйлчилгээг үзэх" товч дээр дарж дэлгэрэнгүй хайлт хийж болно.

- Мобайл хувилбарын хувьд Үйлчилгээ хэсэг дээр дарж иргэн, хуулийн этгээд гэсэн төрлөөс сонгож хайлтын тэмдэг дарж үйлчилгээний нэрээ бичин хайлтыг хийнэ.

Question 16

Үйлчилгээний хүсэлтийн явцын мэдээллийг хаанаас харах вэ?

Accepted Answer

Та үйлчилгээний хүсэлтийн явц болон авсан үйлчилгээний мэдээллээ Профайл цэсний Үйлчилгээний түүх хэсгээс авах боломжтой.

Question 17

Хуулийн этгээдийн нэрийг хэрхэн авах вэ?

Accepted Answer

Та системд нэвтэрч үйлчилгээний танилцуулгатай сайтар танилцан үйлчилгээ авах товч дарж шаардлагатай хэсгүүдийг бөглөн хуулийн этгээдийн нэрээ шалгуулна. Шалгуур давсан нэрийг цааш илгээх болно. Нэрийн хүсэлтийг Улсын бүртгэгч хүлээн авч зөвшөөрөх эсвэл татгалзна.

Татгалзсан шалтгааныг Улсын бүртгэгч тайлбартай ирүүлнэ. Зөвшөөрсөн тохиолдолд үйлчилгээний төлбөрийн нэхэмжлэл үүснэ. Нэхэмжлэлийг Профайл цэсний Төлбөр хэсэг рүү орж 48 цагийн дотор төлнө. Ингэснээр таны Хуулийн этгээдийн нэр баталгаажна.

Question 18

Хуулийн этгээдийн нэр дээр төлбөрөө төлж чадаагүй цуцлуулсан бол дахин тэр нэрээр хүсэлт гаргаж болох уу ?

Accepted Answer

Тухайн хуулийн этгээдийн нэр нь 30 хоногийн дараа систем дээрээс устгагддаг тул тэр үед дахин илгээх боломжтой.

Түгээмэл асуулт хариулт

Бидэнтэй холбогдох

Тусламж

Хандалтын тоо